Styrkleikar – Stjórnendaþjálfun

Á þessari vinnustofu taka stjórnendur styrkleikapróf áður en vinnustofan hefst og mæta með niðurstöðurnar þar sem fókus verður settur á þá fimm styrkleika sem raðast í efstu sætin.

Stjórnendur  fræðast um áhrif styrkleika og flæðis (flow theory) á jákvæða heilsu, starfsorku, streitulosun og vellíðan í vinnunni. Hverjir eru þínir helstu styrkleikar? Hvernig nýtast þeir þér í starfi? Hvernig nýtast þeir þér í krefjandi aðstæðum? Ertu að nýta alla þína helstu styrkleika?

Mikilvægasta verkfæri stjórnandans í starfi er hann sjálfur. Sjálfsþekking er ein öflugasta leiðin til að ná árangri í starfi með öðru fólki. Hvernig getur þú eflt leiðtogahæfni þína og hlúð á sama tíma að lífsgæðum í lífi og starfi? Hvernig getur þú orðið meðvitaðri um styrkleika starfsfólksins þíns og hvaða máli skiptir það?

Stjórnendaþjálfunin er valdeflandi og upplýsandi upplifun með virkri þátttöku. Hún styður við jákvæða heilsu og lífsgæði í lífi og starfi.

Ávinningur/markmið
Aukin meðvitund um tengsl styrkleika og starfsorku  bæði stjórnenda og starfsfólks.

Kennarar eru eigendur Saga Story House og búa yfir víðtækri menntun, áratuga stjórnunarreynslu og sérhæfingu í starfsorku, streitustjórnun og endurheimt á vinnumarkaði.

Boðið verður upp á léttar veitingar í fallegu umhverfi á Vinnustofu Sögu.