Djúpslökun – Yoga Nidra

Djúpslökun með aðferðum Yoga Nidra samanstendur af líkams- öndunar- og núvitundaræfingum. Yoga Nidra þýðir ,,jógískur svefn“ þar sem farið er inn á dýpsta svið slökunar á sama tíma og fullri meðvitund er haldið.

Í Yoga Nidra djúpslökun er hugurinn leiddur markvisst áfram í þeim tilgangi að virkja slökunarviðbragð líkamans til að sporna gegn neikvæðum áhrifum streitu á heilsu og lífsgæði.

Markmið/Ávinningur
Yoga Nidra djúpslökun losar um spennu og streitu, dregur úr vöðvaspennu og verkjum og hefur jákvæð áhrif á blóðþrýsting. Djúpslökunin styrkir jafnframt taugakerfið, bætir svefn og einbeitingu og styður við hvíld og endurheimt.

Fyrir hverja?
Djúpslökun er fyrir alla þá sem vilja efla heilsu og bæta líðan og lífsgæði. Yoga Nidra er aðgengileg iðkun, þú liggur undir teppi, lætur fara vel um þig og nýtur leiðsagnar sem leiðir inn í djúpa kyrrð og hvíld í notalegu og nærandi rými á vinnustofu Sögu.