Staldra við – Framhaldsnámskeið

Framhaldsnámskeið þar sem við höldum áfram að vinna með heilandi áhrif náttúru á álag og streitu. 

Fyrir hverja?

Námskeiðið hentar öllum þeim sem lokið hafa grunnnámskeiði, Staldra við – Náttúrunámskeið og vilja öðlast reynslu af áframhaldandi náttúrutengingu og kynnast fleiri aðferðum sem geta stuðlað að jákvæðri heilsu.

Uppbygging námskeiðs

1. Fræðsla/verkefnavinna Unnin verða verkefni þar sem verkfærum, aðferðum og ólíkum leiðum, sem stuðla að jákvæðri heilsu er fléttað inn í dagskrá námskeiðsins.
2. Náttúrutenging – Heilandi náttúruupplifanir með hægð og hlýju Boðið er upp á náttúrutengingu með áherslu á núvitund og heilandi áhrif á líðan og lífsgæði. Unnið er með fjölbreyttar náttúruupplifanir og kyrrðargöngur. Gengið er að hluta til í þögn þar sem áhersla er lögð á að hvíla í náttúrunni, skynja hana og tengja við eigið innsæi. Notalegur útifatnaður og þægilegir skór styðja við nærandi útiveru.
3. Slökun, hvíld og léttar núvitundaræfingar Boðið er upp á slökun með aðferðum Yoga Nidra og Metta-hugleiðslu þar sem áhersla er lögð á kyrrð og hvíld í hlýlegu umhverfi. Gerðar verða einfaldar yoga-, öndunar- og núvitundaræfingar þar sem unnið verður að því að tengja núvitund/mindfulness með mýkt og markvissum hætti inn í daglegt líf. Notalegur klæðnaður, hlýjir sokkar og teppi styðja við slökun og hvíld.

Hugmyndafræði

Stuðst er við hugmyndafræði iðjuþjálfunar, kenningar um heilandi áhrif náttúrunnar, hugmyndafræði reynslunáms (Experiental Learning) með mildri nálgun og Yoga Nidra og núvitund.