Framhaldsnámskeið þar sem við höldum áfram að vinna með heilandi áhrif náttúru á streitu og kulnun. Námskeiðið hefst miðvikudaginn 12. febrúar. Kennt er einu sinni í viku, á miðvikudagsmorgnum frá 9:00 – 12:00 í 8 vikur.
.
,,Það sem ég tek með mér eftir þetta námskeið er innri ró. Ég er mun afslappaðri og rólegri í daglegu lífi. Eitthvað sem ég hélt að ég myndi aldrei finna“.
Vitnisburður þátttakanda á grunnnámskeiði.
Fyrir hverja?
Námskeiðið hentar öllum þeim sem lokið hafa grunnnámskeiði, Staldra við – Heilandi áhrif náttúru á streitu og kulnun, og vilja öðlast reynslu af áframhaldandi náttúrutengingu og fleiri aðferðum sem geta stuðlað að jákvæðri heilsu.
.
Uppbygging námskeiðs:
- Náttúrutenging – Heilandi náttúruupplifanir með hægð og hlýju
Boðið er upp á náttúrutengingu með áherslu á núvitund og heilandi áhrif á líðan og lífsgæði. Unnið er með fjölbreyttar náttúruupplifanir og kyrrðargöngur með hægð og hlýju. Gengið er að hluta til í þögn þar sem áhersla er lögð á að hvíla í náttúrunni, skynja hana og tengja við eigið innsæi. Notalegur útifatnaður og þægilegir skór styðja við nærandi útiveru. - Slökun, hvíld og léttar núvitundaræfingar
Boðið er upp á slökun með aðferðum Yoga Nidra og Metta-hugleiðslu þar sem áhersla er lögð á kyrrð og hvíld í hlýlegu umhverfi. Gerðar verða einfaldar yoga-, öndunar- og núvitundaræfingar þar sem unnið verður að því að tengja núvitund/mindfulness með mýkt og markvissum hætti inn í daglegt líf. Notalegur klæðnaður og hlýjir sokkar styðja við slökun og hvíld. - Fræðsla/verkefnavinna
Unnin verða verkefni þar sem verkfærum, aðferðum og ólíkum leiðum, sem stuðla að jákvæðri heilsu er fléttað inn í dagskrá námskeiðsins.
,,Námskeiðið hefur hjálpað mér að hægja á og læra að njóta augnabliksins og stundanna. Virkilega góð verkfæri út í lífið“
,,Vel útpælt og afar vel útfært“.
,,Mjög ánægð, hlakkaði alltaf til að mæta og var mjög leið yfir að missa af einum tíma“
Vitnisburðir þátttakenda á grunnnámskeiði.
Hugmyndafræði
Stuðst verður við hugmyndafræði iðjuþjálfunar, hugmyndafræði Jákvæðrar heilsu (Positive Health), kenningar um heilandi áhrif náttúrunnar, ,,hæglætishugmyndafræði“ (Slow Living) sem miðar að því að hægja á í hraða hversdagsins, hugmyndafræði reynslunáms (Experiental Learning) með mildri nálgun, Yoga Nidra og núvitund.
Tímasetning
Námskeið hefst miðvikudaginn 12. febrúar og lýkur 1. apríl 2020
Kennsludagar: Miðvikudagar 9:00 – 12:00.
Tímalengd: 8 vikur, alls 24 klst.
Kennarar: Guðbjörg Björnsdóttir iðjuþjálfi og Yoga Nidra kennari og
Ingibjörg Valgeirsdóttir MBA, BA uppeldis- og menntunarfræði/fjölmiðlafræði, Yoga- og Yoga Nidra kennari
Vika 1
Miðvikudagur 12. febrúar
Vika 2
Miðvikudagur 19. febrúar
Vika 3
Miðvikudagur 26. febrúar
Vika 4
Miðvikudagur 4. mars
Vika 5
Miðvikudagur 11. mars
Vika 6
Miðvikudagur 18. mars
Vika 7
Miðvikudagur 25. mars
Vika 8
Miðvikudagur 1. apríl
Verð: Kr. 75.000
Skráning í síma: 625 8550 | 625 8560
Skráning í tölvupósti: saga@sagastoryhouse.is
Þátttakendur eru hvattir til að kanna styrki hjá stéttarfélögum. Flest stéttarfélög taka þátt í kostnaði vegna námskeiða. Eins geta starfsstaðir kannað styrktarmöguleika inn á vefnum www.attin.is