VOR OG SUMAR 2021

Grunnnámskeið
29. mars, mánudagar og miðvikudagar, kl. 9:00 – 12:00
26. apríl, mánudagar og miðvikudagar, kl. 9:00 – 12:00
18. maí, þriðjudagar og fimmtudagar, kl. 9:00 – 12:00
7. júní, mánudagar og miðvikudagar, kl. 9:00 – 12:00
5. júlí, mánudagar og miðvikudagar, kl. 9:00 – 12:00

Framhaldsnámskeið
26. apríl, mánudagar og miðvikudagar, kl. 13:00 – 16:00

Við hægjum á, hlúum að og prófum verkfæri sem sporna gegna neikvæðra áhrifa álags og streitu.

Fræðsla/verkfæri
Kyrrðargöngur/núvitundargöngur
Yoga Nidra djúpslökun og Gong tónheilun

Tilvalin leið til að fara rólega og meðvitað inn í nýja árið.

.

,,Það sem ég tek með mér eftir þetta námskeið er innri ró. Ég er mun afslappaðri og rólegri í daglegu lífi. Eitthvað sem ég hélt að ég myndi aldrei finna“.

,,Námskeiðið hefur hjálpað mér að hægja á og læra að njóta augnabliksins og stundanna. Virkilega góð verkfæri út í lífið“

Rannsóknir

,,Náttúran græðir og grætur með mér. Áhrif náttúru á streitu“ er heiti rannsóknar sem var gerð á námskeiðinu Staldra við – Heilandi áhrif náttúru árið 2020 og voru niðurstöður birtar á Skemmunni, vef háskólanna í febrúar 2021. Höfundur er Berglind Magnúsdóttir en rannsóknin er lokaverkefni í meistaranámi til starfsréttinda í félagsráðgjöf við Háskóla Íslands. Leiðbeinendur voru Hervör Alma Árnadóttir dósent við félagsráðgjafadeild Háskóla Íslands og aðstoðarleiðbeinandi var Halldór Sigurðsson dósent við félagsráðgjafadeild Háskóla Íslands:

,,Niðurstöður rannsóknarinnar leiddu í ljós að áhrif þess að dvelja í náttúrunni hefur
jákvæð áhrif á streitu. Þátttakendur lýstu áhrifum þess að dvelja í náttúrunni undir
leiðsögn faglegs leiðbeinanda sem styðjandi við að ná ákveðinni ró og einbeitingu til að
greiða úr tilfinningalegum vanda sem síðan hafði jákvæð áhrif á streitu einkenni.
Niðurstöður sýndu einnig fram á jákvæða breytingu í hegðun og líðan og upplifðu
þátttakendur að það væri auðveldara að takast á við lífið. Einnig kom fram mikilvægi
leiðbeinendanna og námskeiðsformsins þar sem unnið var út frá kenningum reynslunáms
og ígrundun nýtt til lærdóms“.

Fyrir hverja?

Námskeiðið hentar vel fólki sem upplifir áreiti, þreytu og streitu í lífi og/eða starfi og hefur þörf fyrir að staldra við í hraða hversdagsins og öðlast milda endurheimt.

Markmið með námskeiðinu er tvíþætt:
  • Að þátttakendur öðlist beina reynslu af aðferðum sem stuðla að hvíld og streitulosun, m.a. í gegnum slökun, einfaldar öndunar- og núvitundaræfingar og kyrrðargöngur úti í náttúrunni
  • Að þátttakendur öðlist innsýn í hvað hefur áhrif á lífsgæði og jafnvægi í daglegu lífi þeirra

Lögð er áhersla á leiðir til að yfirfæra reynslu af námskeiðinu yfir á daglegt líf.

Uppbygging námskeiðs:
  1. Náttúrutenging – Heilandi náttúruupplifanir með hægð og hlýju
    Farið verður í kyrrðargöngur/núvitundargöngur í hverjum tíma með hægð og hlýju í nærumhverfinu með mismunandi áherslum. Valdar eru þægilegar stuttar gönguleiðir þar sem horft verður til heilandi áhrifa þess að ganga í mismunandi náttúru, s.s. ganga með á, hafi og vatni, ganga í skógi og hrauni. Gengið er að hluta til í þögn þar sem áhersla er lögð á að hvíla í náttúrunni, skynja hana og tengja við eigið innsæi. Notalegur útifatnaður og þægilegir skór styðja við nærandi útiveru.

  2. Slökun, hvíld og léttar núvitundaræfingar
    Í hverjum tíma er þátttakendum boðið upp á djúpslökun með aðferðum Yoga Nidra þar sem áhersla er lögð á kyrrð og hvíld í hlýlegu umhverfi. Gerðar verða einfaldar yoga-, öndunar- og núvitundaræfingar þar sem unnið verður að því að tengja núvitund (mindfulness) með mýkt og markvissum hætti inn í daglegt líf. Gong tónheilun er fléttað inn í slökunina. Notalegur klæðnaður og hlýjir sokkar styðja við slökun og hvíld.

  3. Fræðsla/verkfæri
    Fræðslu og hugleiðingum um aðferðir og ólíkar leiðir sem auka lífsgæði í starfi og einkalífi er fléttað inn í dagskrá námskeiðsins. Í hverjum tíma eru tekin fyrir ólík þemu/áherslur sem stuðlað geta að jákvæðri heilsu.

,,Fræðslan lögð fram á skemmtilegan hátt og tenging verkefna við lífið sjálft opnaði augu mín oft.“

,,Vel útpælt og afar vel útfært“

Hugmyndafræði

Stuðst verður við hugmyndafræði iðjuþjálfunar, kenningar um heilandi áhrif náttúrunnar, umhverfissálfræði, ,,hæglætishugmyndafræði“ (Slow Living) sem miðar að því að hægja á í hraða hversdagsins, hugmyndafræði reynslunáms (Experiental Learning) með mildri nálgun, Yoga Nidra og núvitundarþjálfun.

Tímasetning: Kl. 9:00 – 12:00  
Kennsludagar: Sjá yfirlit yfir vor- og sumar 2021
Tímalengd: 24 klst.
Kennarar: Guðbjörg Björnsdóttir iðjuþjálfi og Yoga Nidra kennari og Ingibjörg Valgeirsdóttir MBA, BA uppeldis- og menntunarfræði/fjölmiðlafræði, Yogakennari og Yoga Nidra kennari
Verð: 79.550
Skráning: saga@sagastoryhouse.is eða í síma 6258550 / 6258560